मंडळी,
संजय दत्तची प्यार की झप्पी सगळयांनाच ठाऊक असेल. हॉस्पिटलमध्ये काम करणाऱ्या सफाई कामगाराला दिलेली प्यार की झप्पी सगळ्यांनाच आठवते.
रोजचे काम करणारे व्यक्ती नक्कीच अशा कृतीने मोहरून जातात. अगदी रोजच्या भांडेवालीला एखाद्या दिवशी आज भांडे स्वच्छ घासलेस असे म्हणा बरे.
ईस्त्रीवाल्या धोब्याला किती कडक ईस्त्री केलीस म्हणून सांगा. तुमच्या कपड्यांची खरच कडक ईस्त्री तो करून देईल. ऑफिसात सफाई करणारया शिपायाला टेबल किती स्वच्छ पुसलास म्हणून
त्याच्या कामाची पावती द्या बरे. तो नक्कीच तुम्हाला त्या दिवशी परत दिसला की नमस्कार घालेल. रोज तुमचे टेबल इतरांपेक्षा स्वच्छ पुसेल.
तुमच्या हाताखालच्या माणसांचे असे छोटे छोटे कौतुक केले तर तुम्ही नक्कीच लोकप्रिय Boss
व्हाल. तुमच्या प्रोजेक्टचे टार्गेट तुम्ही गाठू शकाल. तुमच्या अडचणींच्या वेळी तुम्हाला मदत मिळेल.
हॉटेलात जेवल्यानंतर एखादा पदार्थ आवडल्याची पावती मालकाला दिली तर ती बिलापेक्षाही मोठी असेल.
अहो, स्तुती कोणाला प्रिय नाही. प्रत्यक्ष देवसुद्धा स्तुतीनेच प्रसन्न होतो. साधू, संत, ऋषी, मुनी हे सुद्धा स्तुतीप्रियच आहेत. तुम्ही आम्ही तर सामान्य माणसेच. Appreciation हे रोजच्या व्यवस्थापनात दाखवले, तर यशाची पायरी गाठता येईल.
तर मंडळी, तुम्हाला काय वाटते ?
तुम्ही असे कधी केले आहे का ?
No comments:
Post a Comment